ПСЖ хўжайини Месси бўйича қаттиқ топшириқ олди

Лионель Мессининг келаси мавсумни қайси жамоада бошлаши кўпчиликни қизиқтирмоқда ва энг кўп муҳокама қилинаётган мавзуга айланди.

35 ёшли жаҳон чемпионининг ПСЖ билан келишуви уч ойдан кейин якунланади. Ҳали янги битим бўйича бирор янгилик бўлгани йўқ.

Mundo Deportivo нашрининг маълум қилишича, ПСЖ президенти Нассер  Ал-Хелаифий клубнинг қатарлик эгаларидан қаттиқ топшириқ олган.

Доҳадан Ал-Хелаифий жиддий топшириқ келган. У нима қилиб бўлса ҳам, Лионель Месси билан шартномани узайтирилишини таъминлаши керак, - деб ёзмоқда манба.

Месси 2021 йилдан бери парижликлар сафида 66 та учрашувда майдонга тушиб, рақиблар дарвозасини 29 маротаба ишғол қилди ва жамоадошларига 32 та голли пас узатди.