ПСЖ Хулиан Альварес учун улкан таклиф тайёрлади

ПСЖ клуби "Атлетико" ҳужумчиси Хулиан Альваресни ўз сафига қўшиб олиш учун катта таклиф билан чиққан.

El Chiringuito TV маълумотига кўра, парижликлар 26 ёшли аргентиналик футболчи учун 120 миллион евро ва икки нафар ўйинчини таклиф қилган. Ушбу футболчилар Ли Кан Ин ҳамда Гонсалу Рамуш бўлиши мумкинлиги айтилмоқда.

Шунингдек, ПСЖ Альваресга "Олтин тўп" соҳиби Усмон Дембеле даражасида маош беришга тайёр. Гап солиқлардан кейин йилига 22 миллион евро ҳақида кетмоқда.

Аввалроқ Альварес учун "Барселона" ҳам таклиф тайёрлаётгани, каталонияликлар ҳатто футболчи билан шартнома шартларини келишиб олгани ҳақида хабарлар тарқалган эди.

Маълум бўлишича, "Атлетико" ҳужумчини тахминан 150 миллион евро эвазига қўйиб юборишга тайёр.