ПСЖдан “Реал”га иккинчи зарба. Парижликлар “Реал” кутаётган яна бир юлдузни оляпти

Ёзга мўлжаллаган икки трансфери – Килиан Мбаппе ва Эрлинг Холанддан қуруқ қолган “Реал” ёзда “МОнако” ярим ҳимоячиси Орельен Чуаменини ўз сафига қўшиб олмоқчи эди.

Бироқ, ПСЖ бу ўйинчини ҳам Парижга чорлаяпти.

Шунингдек, ПСЖ “Барселона” юлдузи Усмон Дембелени ҳам ёзда эркин агент сифатида ўз таркибига қўшмоқчи.

Маълумотларга қараганда, ҳар икки футболчи Мбаппе билан бирга ўйнаш мақсадида ПСЖга ўтишни режалаштирмоқда. Аввалроқ, Чуамени ҳам, Дембеле ҳам Килианнинг қайси жамоани танлашини кутиб тургани айтилмоқда.

ПСЖ бу трансферлар билан тўхтамоқчи эмас.Парижликлар ёзда битта ҳимоячи, иккита ярим ҳимоячи ва бир ҳужумчини олишни мўлжаллаган.