ПСЖдан тезроқ кетишим керак!

“Пари Сен-Жермен” ҳимоячиси Ашраф Ҳакими тезроқ парижликлар сафини тарк этишни режалаштиряпти.

23 ёшли марокашлик футболчи ПСЖ сафига ўтган йили ёзда қўшилган эди. Унинг трансфери учун французлар “Интер”га 66,5 миллион евро тўлаган ва ўйинчи билан 2026 йилнинг ярмигача битим имзолаган.

Маълумотларга қараганда, Ҳакимига ПСЖдаги жанубий америкалик ўйинчиларнинг муносабати маъқул келмаяпти. Унинг айтишича, Лионель Месси ва Неймар бошчилигидаги легионерлар у билан алоқа қилмайди.

Шу ўринда, Ҳакими Месси ва Неймар ашаддий рақиб сифатида қарайдиган “Реал” тарбияланувчиси экани ҳам уларнинг совуқ муносабатига асос бўлиши мумкинлиги айтилмоқда.