PSJga qarshi bo‘ladigan o‘yindan oldin "Manchester Yunayted" tarkibida jiddiy yo‘qotishlar mavjud

"Manchester Yunayted" klubi PSJga qarshi bo‘lib o‘tadigan Chempionlar ligasi 1/8 final javob bahsi oldidan jiddiy yo‘qotishlarga uchradi.

Ule Gunnar Sulsher shu kuni jarohat olgan Antoni Marsyal va diskvalifikatsiya qilingan Pol Pogbaning xizmatlaridan foydalana olmaydi.

Bundan tashqari Nemanya Matich, Antonio Valensiya, Matteo Darmian, Ander Errera, Jessi Lingard, Aleksis Sanches va Xuan Mata kabi futbolchilar ham turli darajada jarohat olishgani bois Parijdagi o‘yinda maydonga tushmasliklari mumkin.

Eslatib o‘tamiz, MYu va PSJ jamoalarining “Old Trafford”da o‘tkazilgan dastlabki bahsi 2:0 hisobida parijliklar foydasiga hal bo‘lgan edi. Ular o‘rtasidagi javob o‘yini esa 6 mart sanasiga rejalashtirilgan.