ПСЖга қарши бўладиган ўйиндан олдин "Манчестер Юнайтед" таркибида жиддий йўқотишлар мавжуд

"Манчестер Юнайтед" клуби ПСЖга қарши бўлиб ўтадиган Чемпионлар лигаси 1/8 финал жавоб баҳси олдидан жиддий йўқотишларга учради.

Уле Гуннар Сульшер шу куни жароҳат олган Антони Марсьяль ва дисквалификация қилинган Поль Погбанинг хизматларидан фойдалана олмайди.

Бундан ташқари Неманья Матич, Антонио Валенсия, Маттео Дармиан, Андер Эррера, Жесси Лингард, Алексис Санчес ва Хуан Мата каби футболчилар ҳам турли даражада жароҳат олишгани боис Париждаги ўйинда майдонга тушмасликлари мумкин.

Эслатиб ўтамиз, МЮ ва ПСЖ жамоаларининг “Олд Траффорд”да ўтказилган дастлабки баҳси 2:0 ҳисобида парижликлар фойдасига ҳал бўлган эди. Улар ўртасидаги жавоб ўйини эса 6 март санасига режалаштирилган.