PSJni qatarlik emas, rossiyalik oligarx sotib olishi mumkin edi

“Anji” klubi direktorlar kengashi a’zosi German Tkachenkoning so‘zlariga ko‘ra, klubning sobiq xo‘jayini Suleyman Kerimov “Anji”ni super klub qilishdan oldin PSJni sotib olishi ham mumkin edi.

“Biz “Chelsi”ning o‘yinlarini tomosha qilish uchun tez-tez birga borardik va ko‘p suhbatlashardik. Shayxlarga qadar unda PSJni sotib olish loyixasi bor edi. Bu g‘oya darajasida edi va biz buni muhokama qilganmiz”, - dedi Tkachenko.

Eslatib o‘tamiz, Suleyman Kerimov 2006 yilda “Anji”ni sotib oldi va qisqa muddat ichida jamoaga mashhur futbol yulduzlarini olib keldi. Hamyurtimiz Odil Ahmedov ham aynan o‘sha paytda "Anji"da to‘p surdi. Kerimov esa  2016 yilgacha jamoaga xo‘jayinlik qildi.