Пулга куймасимиздан бу юлдузни тез сотайлик!

“Челси” мутасаддилари қишки трансферлар даврида жамоанинг асосий ҳимоячиси Антонио Рюдигерни сотиб юбориш бўйича бир тўхтамга келди.

Клубнинг футболчи билан янги шартнома бўйича музокаралари тўхтаб қолди. Бунга германиялик ҳимоячининг ҳафталик маошини 130 минг фунтдан 200 минг фунтга кўтаришни талаб қилгани сабаб бўлди.

Бош мураббий Томас Тухель клуб хўжайинларидан энг асосий ҳимоячисини нима қилиб бўлса ҳам олиб қолишни сўрамоқда.

Бироқ, раҳбарият мавсум охирида шартнома тугайдиган футболчи эркин агент сифатида текинга кетиб қолмаслиги учун уни қишда сотиб юборадиган бўлди.