Бугун Пхёнчхан Олимпиадасида фигурали учиш бўйича аёллар ўртасида қисқа дастур бўйича беллашувлар ўз якунига етди. 

Энг сара фигурачи қизлар жам бўлган баҳсда икки нафар россиялик олимпиадачи атлетлар жамоаси вакилалари етакчилик қилишмоқда. Дастлаб чиқишдан сўнг 15 ёшли Алина Загитова ажойиб чиқиши эвазига қисқа дастурда энг юқори баллни қўлга киритишга муваффақ бўлди – 82,92. Бу Алинанинг фаолияти давомида қисқа дастурларда тўплаган энг яхши балли ҳисобланади. 

Ундан кейинги натижа жамоавий беллашувда қисқа дастур бўйича жаҳон рекордини ўрнатган бошқа бир россиялик спортчи Евгения Медведевага тегишли бўлди. Евгениянинг тўплаган баллари 81,61ни ташкил қилмоқда. 

Кучли учликни канадалик Кэйтлин Осмонд банд этган. Ушбу спортчи 78,87 балл жамғаришга муваффақ бўлди. Спортчилар яна 2 кундан сўнг эркин дастурда ўз чиқишларини намойиш қилишади.