Пхёнчхан-2018: Россиялик хоккейчилар АҚШ термасини тор-мор қилди

Бугун Пхёнчхан Олимпиадасида хоккей бўйича гуруҳ босқичининг сўнгги тур беллашувлари бўлиб ўтмоқда. Бироза аввал эркаклар ўртасида "В" гуруҳидан ўрин олган Россиялик олимпиадачи атлетлар ва АҚШ терма жамоаси ўртасидаги баҳс якунига етди. 

Кескин ва муросасиз кечган беллашувда рус хоккейчилари йирик 4:0 ҳисобида ғалаба қозониб, кейинги босқич йўлланмасини нақд қилишди. Рақиб дарвозасига Илья Ковальчук ҳамда Николай Прохоркин 2 тадан шайба киритиб, кун қаҳрамони бўлдилар. Гуруҳдаги иккинчи қарама-қаршиликда Словения термаси словакиялик рақибларини 3:2 ҳисобида мағлубиятга учратди.