Пьянич Файзуллаевга “Барса”га ўтиш йўлини ўргатди

Кейинги пайтда Ўзбекистон миллий терма жамоаси ҳужумкор футболчиси Аббосбек Файзуллаев Европанинг топ-лигаларига ўтиш имконияти яна кенг муҳокама қилина бошлади.

Айниқса, Pro Sports Management промоутерлик компанияси раҳбари Герман Ткаченко ЦСКАда ўйнаётган ўзбек футболчисининг Европага кетадиган даври келгани ва улар Файзуллаевнинг фақат топ-лигаларга йўл олиши бўйича иш юритаётганини айтганидан кейин бу мавзу янада кучайди.

Ҳозир ЦСКА сафида ўз даврида Европанинг қудратли клублари, хусусан, “Барселона”да порлаган Миралем Пьянич Аббосбе Файзуллаев билан елкама-елка тўп тепмоқда. Журналистлар футбол юлдузидан Аббосбек Файзуллаевга баҳо бериш ва даражасини баҳолашни сўради.

- Ортимга қараб, мен ўз фаолиятимдан фахранишим мумкин. Францияда “Мец” ва “Лион” , Италияда “Рома” ва “Ювентус”, дунёга машҳур “Барселона”да шйнадим. Туркия ва Бирлашган Араб Амирликларидан кейин Россияга келиб, ажобий жамоа – ЦСКАга қўшилдим.

ЦСКАдаги асосий вазифам – жамоага максимал фойда келтириш. Тажрибам, футболчи сифатидаги маҳоратим ва билимлари жамоага ёрдам беряпти, деб умид қиламан. Бу ерда фантастик коллектив жамланган.

ЦСКА ўйинчиларидан Аббосбек Файзуллаев ўзида бир қатор футбол сифатларини жамлаган. Олдинга ташлаётган қадамларидан аввал, ҳозиргача нималарга эришганига эътибор қаратайлик. Мана шундай навқирон ёшда қўлга киритган натижалари учун юришини қаердан бошлаган эди?

Файзуллаев мунтазам ўсяпти, унинг менталитети тўғри шаклланган, футболчи яхши кўради ва тўп тепишдан роҳат олади.

Агар Аббос “Барселона”га қўшилишни истаса, демак, орзуси амалга ошишига ишониши ва мақсади сари тўхтамай интилиши шарт. Бу машаққатли ва узоқ йўл, бироқ ҳеч қачон интилишдан тўхтамаслик ва ортга чекинмаслик керак.

Ҳар куни жиддий меҳнат қилиш, машғулотларда тер тўкиш, ўйинлардан борини бериш, ҳар жиҳатдан энг зўри бўлишга интилиши лозим. Муваффақиятга эришишнинг бошқа йўли йўқ.

Энг муҳими – ўзини чегараламаслик керак, ҳамма нарсани уддалашга қодирлигига ишонишнинг аҳамияти жуда катта. Мен Аббосни жуда ёрқин келажак кутаётганига аминман, - деди Миралем Пьянич.

Эслатиб ўтамиз, 2023 йилнинг августида “Пахтакор”дан ЦСКА кўчиб ўтган Аббосбек Файзуллаев бир неча бор орзуси “Барселона”да ўйнаш ва футболдаги кумири Лионель Месси эканини айтиб ўтган. Шунингдек, аксарият мутахассисларнинг аксарияти ҳам ўзбек футболчиси ўйин услуби жиҳатидан испан футболига мос эканини таъкидлаган.

Файзуллаев ЦСКАга ксиб ўтганидан бери “армиячилар” сафида барча турнирларда 60 та учрашувда майдонга тушиб, рақиблар дарвозасини саккиз маротаба ишғол қилди ва жамоадошларига 21 та голли пас узатди.

21 ёшли легионеримизнинг Россия клуби билан амалдаги шартномаси 2026 йилнинг ёзигача давом этади. Transfermarkt портали Файзуллаевнинг трансфер суммасини 8 миллион еврога баҳоламоқда.

“Манчестер Юнайтед” афсонаси Рой Кин Ҳусановни келажакда нималар кутаётганини айтди

Гвардиола нега Ҳусановни ўйнатмай қўйди?

Агент Файзуллаев Европага қачон кетишини айтди. Манзил фақат ТОП-ЛИГА!

Ҳусанов “Манчестер Сити” таркибига киритилмагани асл сабаби аниқ бўлди

Файзуллаевнинг “Бенфика”га трансфери барбод бўлган. Сабаби аниқ...