Pyotr Yan ikki divizion chempioni bo‘lishni xohlamayapti

UFCning o‘ta engil vazn toifasi chempioni rossiyalik Pyotr Yan matbuot anjumani mobaynida boshqa diviziondagi kamarni qo‘lga kiritish istagi yo‘qligini ma’lum qildi. 

"Ikki vazn toifasida chempion bo‘lish fikri umuman yo‘q. Shunchaki, xohish yo‘q. O‘z vazn toifamda bir nechta himoya jangini o‘tkazishning o‘zi etadi", - dedi Yan. 

Pyotr Yan 11 iyul kuni Genri Sexudodan vakant qolgan kamar uchun braziliyalik Joze Aldo bilan jang qilib, uni 5-raundda texnik nokaut evaziga mag‘lub etgan va o‘ta engil vazn toifasi chempioniga aylangan edi.