Пётр Ян Ядонг Сонг билан жанг олдидан кучли рақиб билан спаринг ўтказди

 Машҳур россиялик ММА жангчиси, ўта енгил вазн тоифасида собиқ UFC чемпиони Пётр Ян(16-5) "UFC 299" турнирида бўлиб ўтадиган хитойлик Ядонг Сонг(21-7-1-1 N/C) билан жангга тайёргарликни давом эттирмоқда.

Интернетда Пётр Ян ярим енгил вазн тоифасида UFC чемпиони австралиялик Александр Волкановски билан бокс бўйича спарринг ўтказаётгани акс этган видео пайдо бўлди. 30 ёшли Пётр Ян аралаш яккакурашларда жами 21 та жанг ўтказиб, 16 та ғалаба қозонган ва 5 тасида мағлубият аламини тотиб кўрган.Россиялик жангчи 2018 йилда Дана Уайтнинг промоушинида дебьют қилган.

Эслатиб ўтамиз, Ян охирги жангида грузиялик  Мераб Двалишвилига ютқазиб қўйганди. Бу мағлубият россиялик жангчи учун қаторасига учинчиси бўлди.