Қаердан чиққанингни унутма! "Барса" афсонаси "Реал"га ўтган Кукурельяни танқид қилди

"Барселона"нинг собиқ ҳимоячиси Жерар Пике клуб тарбияланувчиси Марк Кукурельяни "Челси"дан Мадриднинг "Реал" жамоасига ўтганига кескин муносабат билдирди. 

Пике Defensa Central нашрига берган интервьюсида таъкидлашича, Кукурелья "Барселона" академияси — "Ла Масия" тарбияланувчиси сифатида "Реал" билан бўладиган рақобатнинг қадри ва маъносини жуда яхши билади. Шу боис, унинг сўзларига кўра, шундай йўлни босиб ўтган футболчининг "Реал"ни танлаши табиий равишда мухлислар норозилигига сабаб бўлади.

- “Ла Масия” — оддий академия эмас, бу — шахсият ва клуб руҳи. Ўзини ҳақиқий “Барселона” мухлиси, деб билган инсон қаердан келганини, қаерда тарбия топганини ҳеч қачон унутмайди, — деди Пике.

Эслатиб ўтамиз, Марк Кукурелья яқинда "Реал" билан олти йиллик шартнома имзолади. У ҳимоячи сифатида катта футболга айнан "Барселона" академияси орқали кириб келган.