Qarshidagi "Markaziy" stadion Eron klublarining OChLdagi o‘yinlarini qabul qilishi mumkin

Ozarbayjon futbol federatsiyalari assotsiatsiyasi (OFFA)ning rasmiy vakili Firuz Garaev Boku Eron klublarining OChLdagi o‘yinlarini o‘tkazishga tayyor ekanligini bildirgan. Bu haqda Alisher Nikimbaev telegramdagi o‘zining sahifasida xabar berdi.

Shuningdek, Eron klublari uy uchrashuvlarini o‘tkazishi uchun eng yaxshi variantlardan biri sifatida Qarshi shahri ko‘rilmoqda. Chunki Eron klublari ayrim hollarda uy o‘yinlarini arab davlatlarida o‘tkazishganda, raqiblar o‘zlarini mehmondagidek his qilishmaganini ta’kidlamoqdalar. Bu esa Markaziy Osiyo davlatlarining bu o‘yinlarni qabul qilish imkoniyatlarini oshirmoqda.

Eslatib o‘tamiz, Erondagi siyosiy vaziyat tufayli OFK Chempionlar ligasi o‘yinlarini bu mamlakat hududida o‘tkazishni taqiqlab qo‘ygandi. Shuning uchun «Shahri Xudro‘» va «Istiqlol» o‘rtasidagi saralash bosqichidagi o‘yinlarni BAAning Sharja va Dubay shaharlarida o‘tkazishdi.