Қасоскор Крис Вуд ёхуд собиқ жамоасини учта гол билан сийлаган ҳужумчи

"Ноттингем Форест" сафарда "Нюкасл"ни 1:3 ҳисобида мағлуб қилмоқда. Крис Вуд "қарғалар" дарвозасини уч марта ишғол қилди. Шунингдек, 32 ёшли страйкер "Boxing Day"да хет-трик қилган 7 та футболчи орасига кириб олди. 

Ҳужумчи 2022/23 йилги мавсум "Нюкасл" таркибида тўп тепган ва жамоага керакмас ўйинчи сифатида "Ноттингем Форест"га кўчиб ўтганди. Дастлаб ижара асосида "ўрмончилар" сафига ҳаракат қилган Крис кейинчалик тўлиқ сотиб олинди. 

Ушбу мавсум Вуд "Ноттингем Форест" таркибида 17 та ўйинда майдонга тушиб, 10 та гол ва 1 та ассист амалга оширди.