Қатар - Ўзбекистон: Қайси терма жамоа қимматроқ?

"ЖЧ-2026" саралаши Осиё минтақаси 5-тури доирасида Ўзбекистон терма жамоаси Қатар майдонига сафар қилади. 

Айни вақтда "А" гуруҳида форслар билан бир хил очко тўплаган (10) ва фақатгина тўплар нисбатига кўра иккинчи ўринда бўлиб турган Ўзбекистон терма жамоаси 4 очко билан 4-поғонада бораётган Қатар билан баҳс олиб боради. 

Қайд этиш лозим, айни вақтда Ўзбекистон терма жамоасининг "Трансфермаркт" порталидаги баҳоси 37,05 миллион еврони ташкил қилади. Вакилларимиз сафида энг қиммат футболчи Аббосбек Файзуллаев (6 миллион евро) ҳисобланади. 

Қатар термасининг "Трансфермаркт"даги баҳоси 20,18 миллион евро ва уларнинг таркибидаги энг қимматбаҳо ўйинчи Акром Афифдир.