Қаторасига икки ўйиндан буён "Бухоро"ни мағлуб этолмай келаётган "Насаф" анъанани буза оладими?

"Аждарлар" қисқа танаффусдан сўнг, Суперлиганинг 19-турида Муборакда "Бухоро" жамоаси меҳмони бўлади. Беллашув 18 октябрь куни Баҳром Вафоев номидаги стадионда бўлиб ўтади. Мазкур баҳс соат 16:00 да бошланади. "Насаф" клуби матбуот хизмати ушбу учрашув превьюсини тақдим этди.

Ўзаро учрашувлар тарихидан

Жамоалар Ўзбекистон чемпионатида шу вақтга қадар 45 бор куч синашган. Бўлиб ўтган 12 учрашувда бухороликлар, 23 ўйинда эса «аждарлар» зафар қучган. 10 учрашувда эса, дуранг натижа қайд этилган. Тўплар нисбати 43:74 га тенг. Устунлик қаршиликлар тарафида.

Ўзаро учрашувларда қайд этилган энг юқори ҳисоблар қуйидагича: «Бухоро» – «Насаф» 5:1, «Насаф» – «Бухоро» 6:0.

Жамоалар сўнгги ўзаро учрашувни 2020 йили 26 июнь куни Қаршида ўтказган. Бу учрашувда ҳисоб очилмаган.

Эътиборингизга, жамоалар иштирокидаги сўнгги беш учрашувнинг натижаларини ҳавола қиламиз:

26.06.2020 Насаф — Бухоро 0:0

22.09.2019 Насаф — Бухоро 1:2

04.05.2019 Бухоро — Насаф 0:1

26.05.2018 Бухоро — Насаф 1:0

09.03.2018 Насаф — Бухоро 3:1