Qatorasiga ikki o‘yindan buyon "Buxoro"ni mag‘lub etolmay kelayotgan "Nasaf" an’anani buza oladimi?

"Ajdarlar" qisqa tanaffusdan so‘ng, Superliganing 19-turida Muborakda "Buxoro" jamoasi mehmoni bo‘ladi. Bellashuv 18 oktyabr kuni Bahrom Vafoev nomidagi stadionda bo‘lib o‘tadi. Mazkur bahs soat 16:00 da boshlanadi. "Nasaf" klubi matbuot xizmati ushbu uchrashuv prevyusini taqdim etdi.

O‘zaro uchrashuvlar tarixidan

Jamoalar O‘zbekiston chempionatida shu vaqtga qadar 45 bor kuch sinashgan. Bo‘lib o‘tgan 12 uchrashuvda buxoroliklar, 23 o‘yinda esa «ajdarlar» zafar quchgan. 10 uchrashuvda esa, durang natija qayd etilgan. To‘plar nisbati 43:74 ga teng. Ustunlik qarshiliklar tarafida.

O‘zaro uchrashuvlarda qayd etilgan eng yuqori hisoblar quyidagicha: «Buxoro» – «Nasaf» 5:1, «Nasaf» – «Buxoro» 6:0.

Jamoalar so‘nggi o‘zaro uchrashuvni 2020 yili 26 iyun kuni Qarshida o‘tkazgan. Bu uchrashuvda hisob ochilmagan.

E’tiboringizga, jamoalar ishtirokidagi so‘nggi besh uchrashuvning natijalarini havola qilamiz:

26.06.2020 Nasaf — Buxoro 0:0

22.09.2019 Nasaf — Buxoro 1:2

04.05.2019 Buxoro — Nasaf 0:1

26.05.2018 Buxoro — Nasaf 1:0

09.03.2018 Nasaf — Buxoro 3:1