"Қайрат" - "Пахтакор": Тарихий дербини қандай томоша қилиш мумкин?

Суперлига иккинчи даврасига тайёргарлик кўраётган "Пахтакор" ёзги ўқув-машғулот йиғини доирасида иккита ўртоқлик учрашувида майдонга тушади.

Тошкентликлар 19 июль куни Қозоғистонда "Қайрат"га қарши узоқ йиллик тарихга эга ўйинда иштирок этса, орадан 4 кун ўтиб, Тожикистоннинг номдор "Истиқлол" жамоасини қабул қилади.

Табиийки, мазкур беллашувлар кўпчиликнинг диққат-эътиборини ўзига жалб қилиши турган гап. "Спорт" телеканали директори Зоҳид Каримов ўзининг "Твиттер"даги саҳифаси орқали "Қайрат"га қарши баҳс жонли эфирда трансляция қилиниши ҳақида хабар берди. "Истиқлол" билан ўйин ҳам катта эҳтимол "Спорт ТВ"да кўрсатилади.