"Қайрат"нинг Чемпионлар лигасида иштирок этиши сабаб машҳур қўшиқчининг концерти бекор қилинди

Қозоғистоннинг "Қайрат" клуби ўз тарихида илк бор Чемпионлар лигаси гуруҳ босқичида иштирок этади. Бироқ клубнинг уй учрашувлари ўтказиладиган "Марказий" стадионда 6 сентябрь куни беларуслик қўшиқчи Макс Корж концерт бериши режалаштирилган эди. 27 август куни эса Маҳаллий спорт иншоотлари маъмурияти концерт ўтказиш учун ҳужжатларининг тўлиқ бўлмагани сабаб тадбир бекор қилинганини маълум қилди.

“Тадбирни ўтказиш ҳуқуқий ҳамда техник нуқтаи назардан мумкин эмас”, — дейилади хабарда.

Шунингдек, маъмуриятнинг таъкидлашича, йирик концерт стадион майдонига катта зарар етказиши мумкин. Тарихий тарзда нуфузли турнирга йўл олган "Қайрат" учун стадион фақат спорт тадбирларига мукаммал тайёрланиши лозимлиги билдирилди. Концерт ташкилотчилари эса бу қарордан норози бўлишди. Уларнинг айтишича, барча рухсатномалар мавжуд ва тайёргарлик 2024 йил ноябрдан бери олиб борилган.

Маълумот учун, "Қайрат" гуруҳ босқичида "Реал Мадрид", "Брюгге", "Олимпиакос" ва "Пафос"га қарши ўз уйида, "Арсенал" ва "Интер" каби номдор жамоалар билан эса сафарда куч синашади.