Қиличбозлик. Осиё чемпионатидаги олтинларимиз 3 тага етди!

Тошкент мезбонлик қилаётган қиличбозлик бўйича Осиё чемпионатида яна бир олтин медаль. Бугун ўсмирлар тоифасида кечган сўнгги кунда саблячи қизларимиз жамоавий дастурда чемпионликни қўлга киритишди.

МОҚ матбуот хизматининг хабар беришича, Фернанда Эррера, Наргиза Жаксибаева, Аякўз Жумамуратова ҳамда Дилназ Уснатдинова квартетини бугунги баҳслар давомида ҳеч бир жамоа мағлуб эта олмади. Финал беллашувида Қозоғистон 45:21 ҳисобида мағлуб этилди.

Бу Ўзбекистон терма жамоаси учун мусобақаги учинчи олтин медаль сифатида қайд этилди.