Қиммат трансфер амалга ошди

“Тоттенхэм” раҳбарияти бир йил муқаддам “Аталанта”дан ижарага олинган ҳимоячи Кристиан Ромеронинг трансфер ҳуқуқини тўлиқ сотиб олди.

24 ёшли аргентиналик футболчининг хатти-ҳаракатлари “шпорлар” бош мураббийи Антонио Контега маъқул келди.

Марказий ҳимоячи Аргентинанинг “Бельграно” жамоаси тарбияланувчиси ҳисобланади. У 2018 йили Европага кўчиб келганидан кейин “Женоа”, “Ювентус” ва “Аталанта” шарафини ҳимоя қилган.

Лондонлик Ромеро учун бергамоликларга 42,5 миллион фунт тўлади. Энди Кристиан 2027 йилнинг ярмигача “Тоттенхэм” шарафини ҳимоя қилади.