Қимматбаҳо юлдузни тўртта гранд талашяпти

“Бавария”нинг ҳужумкор футболчиси Жамол Мусиала фаолиятини Англия ёки Испания чемпионатларида давом эттириш имконига эга бўлди. 
21 ёшли ўйинчини Европанинг энг қудратли клублари ўз сафига чорламоқда. 

"Transfer News Live" ва "Todo Fichajes" каби манбаларнинг таъкидлашича, келаси ёз “Реал”, “Барселона”, “Манчестер Сити” ва “Арсенал” Мусиалани қўлга киритиш учун кураш олиб боради. 

“Бавария” раҳбарияти ҳам етакчи ўйинчисини қўлдан чиқармоқчи эмас. Бироқ Жамолнинг ўзи “Олтин тўп” каби нуфузли индивидуал совринларни ютиш учун кучли лигаларда тўп тепишни истаяпти. 

Мусиаланинг ўзи “Манчестер Сити”га ўтишга мойил экани айтилмоқда.  Иқтидорли ҳужумкор футболчини олмоқчи бўлган клублар 130 миллион евродан кўпроқ маблағ тикишига тўғри келади.