Қирғизистонга қарши биринчи учрашувда мағлубиятга учраган Ўзбекистон терма жамоаси иккинчи ўйинда ғалаба қозонди

Жорий йилнинг 23-25 октябрь кунлари Эронда футзал бўйича Осиё чемпионати-2020нинг саралаш баҳслари бўлиб ўтади. Қуръа натижаларига кўра, Ўзбекистон миллий терма жамоаси Марказий ва Жанубий минтақанинг “А” гуруҳидан ўрин олган ва терма жамоамизга гуруҳда Тожикистон, Непал ва Афғонистон терма жамоалари рақиблик қилади.

Саралаш баҳсларига ҳозирлик олиб бораётган Ўзбекистон миллий терма жамоаси қўшни Қирғизистонда ўртоқлик ўйинлари ташкил этаётганидан хабар бергандик.

17 октябрда мезбонларга қарши дастлабки ўйинда ҳамюртларимиз 5:1 ҳисобида имкониятни бой беришганди. Бугун ўзаро иккинчи ўйинни ўтказишди. Унда терма жамоамиз 4:2 ҳисобида зафар қучди.

Қирғизистон – Ўзбекистон 2:4

Голлар: Машраб Одилов (8, 29), Акбар Усмонов (22), Ихтиёр Ропиев (26).