Қизил карточка, ҳисобга олинмаган гол ва эътирозлар - Олимпиячиларимиз Мисрга имкониятни бой берган ўйиндан фотогалерея

Ўзбекистон U23 - Миср U23 терма жамоалари ўртасидаги халқаро ўртоқлик учрашуви якунланди, унда вакилларимиз 1:2 ҳисобида имкониятни бой бериб қўйди.

Беллашувнинг 27-дақиқасида Алишер Одилов ҳисобни очди. Иккинчи бўлим бошида Ҳожимат Эркинов фарқни иккитага ошириб қўйди, бироқ офсайд сабаб гол бекор қилинди. 57-дақиқада олимпиячиларимиз  бир киши кам бўлиб қолди: Маҳмуд Маҳаммаджонов рақибига нисбатан қўпол ўйнаган деб топилди ва ҳакам томонидан қизил карточка билан жазоланди.

73-дақиқада меҳмонларнинг ажойиб комбинациясидан сўнг Билол Мазҳер ҳисобни тенглаштирди. Учрашувнинг 90-дақиқасида Зиёд Муҳаммад узоқ масофадан супер зарба йўллаб, Назаров қўриқлаётган дарвозани ишғол қилди. 

Қуйида мазкур беллашувдан фотогалереяни томоша қилишингиз мумкин.