"Қизилқум" бош мураббийи: "Рақибларимизни доимо кучли деб ҳисоблаймиз ва шунга яраша ҳаракат қиламиз"

“Қизилқум” клуби чемпионатнинг дастлабки турини “Локомотив” жамоасига қарши ўтказадиган бўлди. Шу сабабли навоийликларнинг янги бош мураббийи Никола Лазаревич қуръа ҳақида қисқача қуйидагиларни айтди:

“Биз бўлажак рақибни ўрганяпмиз. Айтишим мумкинки, ҳар бир жамоага бир хилда тайёргарлик кўрамиз. Жиддий ва майда икир-чикирларигача. Шуни ҳам алоҳида айтмоқчиманки, биз доимо рақибларимизни кучли деб ҳисоблаймиз ва шунга яраша ҳаракат қиламиз”.