"Қизилқум" дарвозасини энди Латвия терма жамоаси посбони қўриқлайди

Навоийнинг “Қизилқум” жамоаси яна бир футболчи орқали таркибини кучайтирмоқда. Гап легионер ўйинчи ҳақида кетмоқда. Латвия терма жамоаси дарвозабони Роберт Озолс энди “Қизилқум” шарафини ҳимоя қилади.

Бу йил 29 ёшни қаршилайдиган посбоннинг охирги клуби Латвиянинг “Ауда” жамоасидир. Шунингдек, у фаолияти давомида “Рига”, “Даугава”, “Спартак” сингари клубларда ҳаракат қилган.

“Қизилқум” Роберт Озолс билан бир йиллик шартнома имзолади.