"Қизилқум" икки футболчиси билан шартномани узайтирди

"Қизилқум" жамоаси Самандар Шукруллаев ва Файзулло Жуманқўзиев билан шартнома узайтирди.

"Жамоамиз раҳбарияти навбатдаги футболчилар билан шартномаларни узайтириш бўйича келишувга эришди. Ҳимоячи Самандар Шукруллаев ва ҳужумчи Файзулло Жуманқўзиевлар навбатдаги мавсумда ҳам навоийликлар сафида ҳаракат қилишади.

Иккала футболчига ҳам жамоамиздаги фаолиятида омад тилаймиз", - клуб матбуоти хабарида.