"Қизилқум" икки нафар етакчиси билан шартномани узайтирди (фото)

Шаҳбоз Жўрабековни ўз сафига қўшиб олган "Қизилқум" клуби селекция ишларини давом эттирмоқда. Жумладан, жамоа етакчиларини сақлаб қолиш ҳам асосий масалалардан бири.

Шу сабабли "Қизилқум" икки нафар легионер етакчиси билан келишувларни узайтирганлиги клуб матбуот хизмати томонидан эълон қилинди. 

Ўтган мавсумда жамоа сафида ҳаракат қилган маҳоратли грузиялик ярим ҳимоячилар - Гиорги Кухианидзе ва Акаки Шулая билан шартнома узайтирди.

Маълум бўлишича, Кухианидзе ва Акаки билан клуб ўртасидаги шартнома 2024 йилнинг охиригача тузилди.