Олий лига 27-туридан ўрин олган “Қизилқум”- “Динамо” (1:0) учрашувидан кейинги матбуот анжуманида мезбонлар бош мураббийи Ҳамиджон Актамов ўйин ҳақидаги фикрлари билан ўртоқлашди. Бу ҳақда "Қизилқум" матбуот хизмати хабар бермоқда.

"Бугун ўйин иккала жамоа учун ҳам ўта муҳим аҳамиятга эга эди. Сабаби турнир жадвалидаги ҳолат шуни тақозо этарди. Икки ҳимоячимиз Шукурали Пўлатов ва Нодирхон Камоловнинг майдонга туша олмаслиги ҳам таркибимизда бир қатор муаммоларни туғдирди. Ҳар қандай ҳолатдаям ғалаба сув ва ҳаводек зарур эди. Шукрки, бу баҳсда омад биз томонда бўлди. Йигитларга раҳмат айтаман. Борини бериб ўйнашди.

Албатта, “Динамо” ҳам осонликча мағлуб бўлишни истамади. Улар ҳам жон-жаҳди билан ҳаракат қилди. Чемпионатнинг қолган учта ўйини ҳам финалга тенг бўлади. Имкон борича керакли очколарни жамғаришга ҳаракат қиламиз", - деб айтиб ўтди навоийликлар утози.