“Қизилқум” ва “Андижон” бугун ўзаро юбилей учрашувини ўтказишади

Хабарингиз бор бугун Суперлиганинг 1-турида Навоийда "Қизилқум" ўз майдонида "Андижон"ни қабул қилади. Таъкидлаш керакки бу ушбу жамоаларнинг ўзаро юбилей учрашуви бўлади. 

“Қизилқум” ва “Андижон” жамоалари Ўзбекистон миллий чемпионатлари тарихида жами 30 бора тўқнаш келишган.

Навоийликлар 16 та ўйинда ғолиб бўлишган. 2та ўйинда дуранг қайд этилган. 12 учрашувда эса “Андижон” зафар қучган. Тўплар нисбатида “Қизилқум” олдинда - 52:43. Ўзаро ўйинларда “Қизилқум” 50 очкони, “Андижон” эса 38 очкони қўлга киритган.

“Қизилқум”нинг ўзаро ўйинларда қозонган энг йирик ғалабаси – 6:2 га тенг. “Андижон”да бу кўрсаткич 5:1 бўлиб турибди.

Эслатиб ўтамиз, "Қизилқум" - "Андижон" баҳси 17:00да бошланади.