"Қизилқум" харидоргир футболчиси билан янги шартнома имзолади

Навоийликлар сафида порлаган 22 ёшли ҳужумкор ярим ҳимоячи Муҳаммадали Ғиёсов тўғрисида кўплаб илиқ фикрлар эшитилди ва табиийки, унга харидорлар бисёр эди. Лекин "Қизилқум" уни қўйиб юборишни истамади. 

Клуб матбуот хизматининг хабарига қараганда, истеъдодли Муҳаммадали Ғиёсов янги мавсумда ҳам “Қизилқум” шарафини ҳимоя қилади. Чунки расман шартнома имзоланди. Футболчи 2023 йилги мавсумда ҳаммаси бўлиб 23 ўйинда 7 та гол урди.