"Қизилқум" "Хоразм" билан муроса кўчасини танлади

Олмалиқдаги "Металлург" стадионида мавсумнинг иккинчи даврасига тайёргарлик кўраётган "Қизилқум" жамоаси вакиллари иккинчи ўртоқлик учрашувини ўтказишди.

Бу сафарги рақиб "Хоразм" жамоаси бўлди. Қизиқарли ва курашларга бой ўтган баҳсда жанговор дуранг қайд этилди.

Учрашувда "Қизилқум" таркибида Алишер Саноев ўз ҳисобига гол ёздириб қўйди. Ундан ташқари ушбу ўйинда навоийликлар таркибига яқиндагина келиб қўшилган футболчилар ҳам дебют учрашувларини ўтказишди.

"Қизилқум" жамоасининг асосий таркиби:  Жавоҳир Илёсов, Самандар Шукруллаев, Николай Тарасов, Бахтиёр Гургенов, Шерали Жўраев, Исломжон Тошпўлатов, Ифеаний Ифеаний, Гиорги Кухианидзе, Ислом Кенжабоев, Марко Симоновиский, Акаки Шулая.