Қизиқ воқеа! "Мальорка" устози дастлабки баҳсда Месси ғазабда хет-трик қайд этганини айтди

"Мальорка" бош мураббийи Висенте Морено биринчи даврада "Барселона" (2:5) га қарши кечган баҳсни эслаб ўтди.

45 ёшли мутахассис учрашув давомида "кўк-анорранглилар" сардори билан гап талашиб қолганини айтиб ўтди.

"Беллашувдан кейин, футболчилар мағлубиятда мен айбдор эканлигимни айтишди, чунки мен Мессини жаҳлини чиқаргандим.

У қаттиқ ғазабланганди ва танаффусда бизга еттита гол уришини айтди. Улар, буни уддасида чиқа олишмади, аммо Месси хет-трик қайд этди.

Месси жаҳоннинг энг кучли футболчиси. Унинг ғалаба қозонишга бўлган хоҳиши, ақл-идрок қобилиятига ва феъл-атворига қаранг!

Бу сафар мен гап талашмайман. Бу менинг фойдамга ишламайди," - деди Морено.