У ерда Ҳусанов бор! Қозоғистон депутатлари Ўзбекистонга мухлислик қиладиган бўлди

Қозоғистон Республикас Мажлиси депутатлари 2026 йилги футбол бўйича жаҳон чемпионати ҳақида фикр билдириб, қайси миллий терма жамоаларга мухлислик қилишларини маълум қилди.

Депутатлар орасида Испания, Аргентина ва Нидерландия терма жамоаларига мухлислик қилувчилар бор. Аммо аксарият халқ вакиллари “ЖЧ-2026”да Ўзбекистон миллий терма жамоасини қўллаб-қувватлашларини таъкидлади.

Самат Нуртаза:

Болалигимдан Нидерландия терма жамоасига мухлислик қиламан. Улар ҳали бирор марта жаҳон чемпионатида ғолиб бўлмаган. Омад етишмаган, аммо мен ҳали ҳам уларнинг  тарафдориман.

Магеррам Магеррамов:

Мен 1982 йилдан бери жаҳон чемпионатларини кузатаман ва шу вақтдан бери Испания терма жамоасига мухлислик қиламан. Шунинг учун Испания жаҳон чемпиони бўлишига ишонаман.

Никита Шаталов:

Биз тарихан Испания ва Аргентина терма жамоаларига мухлислик қиламиз. Албатта, ўйинларни кузатамиз, лекин эҳтимол плей-офф босқичидан бошлаб, ўйинларни томоша қиламиз.

Ерлан Саиров:

Мундиалда Ўзбекистон ва Туркия терма жамоалари қатнашади. Биз айнан шу мамлакатларни қўллаб-қувватлаймиз.

Жигули Дайрабаев:

Осиёдан бизнинг биродарларимиз – Ўзбекистон футболчилари қатнашади. Мен Ўзбекистон учун мухлислик қиламан.

Еркин Абиль:

Мен унчалик футбол мухлиси эмасман, аммо Ўзбекистонни қўллаб-қувватлайман.

Айдарбек Хожаназаров:

Мен албатта жаҳон чемпионатини томоша қиламан. Ўзбекистон терма жамоасига мухлислик қиламан. У ерда Абдуқодир Ҳусанов каби жуда иқтидорли футболчилар бор. У нафақат ўзбек халқи, балки бутун минтақа учун фахр ҳисобланади.

Шунингдек, Португалия терма жамоасини ҳам алоҳида таъкидламоқчиман. У ерда барчага машҳур Криштиану Роналду ўйнайди. У ёшлар учун катта мотивация манбаи. Шунинг учун ҳаммага футбол кўришни ва спорт билан шуғулланишни тавсия қиламан.

Эслатиб ўтамиз, Ўзбекистон миллий терма жамоаси Колумбия, Португалия ва Конго Демократик Республикаси футболчилари билан бирга жаҳон чемпионатининг “К” гуруҳидан ўрин олган.

Фабио Каннаваро шогирдлари жаҳон чемпионатидаги тарихий биринчи учрашувини 18 июнь куни Мексикада кучли рақиблардан бири Колумбия терма жамоасига қарши ўтказади.

Шомуродов бўйича расмий музокара бошланди. “Башакшеҳир” қанча сўраяпти?

Машҳур футболчи мундиалда Ўзбекистонга мухлислик қиладиган бўлди

Биттаси ўзбекка тегишли! Мундиалнинг 35 рекорди

Тезкор! Шомуродовни суперклуб олмоқчи

АҚШ нега айнан Ўзбекистон терма жамоасини қаттиқ текширди?

Бунақаси Шомуродов фаолиятида биринчи марта бўлди