"Қўқон-1912" Даврон Файзиевга эҳтиром кўрсатди

Ўтган мавсумни “Қўқон-1912” жамоасининг мураббийлар штабида ўтказган тажрибали мураббий Даврон Файзиев бу йилги мавсумда “Бухоро” жамоасини бошқариши барчангизга маълум. “Қўқон-1912” жамоаси Даврон Ориповични бандлиги муносабати билан ҳали хайрлаша олмаган эди. “Бухоро” жамоасининг айни кунларда Фарғонада эканлигидан фойдаланиб, кеча “Қўқон-1912” жамоаси Даврон Файзиев билан хайрлашув маросимини ўтказди.

кукон3

Қўқон шаҳридаги қароргоҳида Даврон Файзиев шарафига зиёфат уюштирилди. Дастурхонга ўзбек миллий таоми ош тортилди. “Шунқорлар” бош мураббийи Бахтиёр Ашурматов маросимда сўз олиб, Даврон Файзиевга клубда қилган меҳнатлари учун раҳбарият, мураббийлар, футболчилар ҳамда ишқибозлар номидан миннатдорчилик билдирдилар. Даврон Ориповични “Бухоро” жамоасидаги фаолиятида улкан зафарлар тилаб, у кишига зарбоп тўн ҳамда дўппи кийдирилди.

кукон_7

Ўз навбатида Даврон Файзиев ҳам “Қўқон-1912” жамоасининг аҳил оиласи билан бирга ишлаганлигидан фахрланишини, бу жамоа унинг қалбида доим сақланишини ҳамда Суперлиганинг янги мавсумида “Қўқон-1912” жамоасига мухлислик қилишини изҳор қилди.

Барча футболчилар ҳам Даврон Файзиевга янги иш жойида улкан муваффақият тилашди, - дея хабар бермоқда, “Қўқон-1912” клуби матбуот хизмати.  

Фикрлар

Фикр қолдириш учун авторизациядан ўтинг!