"Qo‘qon-1912" futbolchisi bugungi o‘yinni o‘tkazib yuboradi, chunki...

Yana bir necha daqiqalardan keyin Qarshida Superliga 24-turining qoldirilgan uchrashuvi – “Nasaf” hamda “Qo‘qon-1912” jamoalari ishtirokidagi o‘yin boshlanadi.

Ayni paytda ikkala jamoa a’zolari bellashuvga tayyorgarlik ko‘rmoqdalar. Ammo uchrashuv oldidan qo‘qonliklar tarkibida yo‘qotish borligini aytib o‘tish o‘rinli bo‘lardi.

Gap shundaki, “Qo‘qon-1912” jamoasining yarim himoyachisi Farhod Bekmurodov “Nasaf” bilan uchrashuvda jamoasiga yordam bera olmaydi. Chunki futbolchining sariq kartochkalari soni to‘rttaga etgani sababli bu o‘yinni o‘tkazib yuborishga majbur.

Eslatib o‘tamiz, “Nasaf” – “Qo‘qon-1912” o‘rtasidagi uchrashuv soat 14:00 da boshlanadi.