Қозоғистон клуби МЮнинг собиқ футболчилари билан музокара олиб бормоқда

Қозоғистоннинг "Актобе" клуби таркибини кучайтириш йўлларини фаол равишда ўрганмоқда. Россия ОАВларининг хабар беришича, клуб бир қатор машҳур футболчилар билан алоқага чиққан.

Sport24 нашрининг маълум қилинишича, Халк, Шакири ва Марко Ройс "Актобе"нинг таклифини рад этган. Шунингдек, Хамес Родригес маълум сабабларга кўра Қозоғистон чемпионатига эмас, МЛСга ўтишни маъқул кўрган.

Айни пайтда клубнинг асосий эътибори Антони Марсьяль ва Жесси Лингардга қаратилган. Ушбу икки футболчи билан музокаралар ҳали ҳам давом этмоқда.

Маълумот учун, аввалроқ ушбу жамоа Нани билан битим имзолаган эди.