Қозоғистон. Легионеримизнинг голи жамоасига ғалаба келтирди (видео)

Қозоғистон чемпионати 15-туридан ўрин олган "Акжайик" - "Ордабаси" учрашуви ниҳоясига етди. Унда меҳмонлар 1:0 ҳисобида зафар қучди.

Баҳс тақдирини легионеримиз Одилбек Абдумажидовнинг 78-дақиқада киритган голи ҳал этиб берди.

Шу тариқа, "Ордабаси" очколари сонини 20 тага етказиб олди. Жамоа 5-ўринда жойлашган.