Qozog‘iston terma jamoasi bosh murabbiyining jiyani endi "Andijon"da ishlaydi

10 fevraldan Turkiyada yig‘in boshlagan “Andijon” jamoasiga u erda yangi murabbiy qo‘shildi. Endilikda bosh murabbiy Viktor Kumikovga qozog‘istonlik Rasul Marua yaqindan yordam beradi. U “Andijon”da tahlilchi murabbiy sifatida ish olib boradi.

Ma’lumot uchun, Marua 1993 yilning 11 avgust kuni tavallud topgan. Ayni paytda unda UEFAning “V” litsenziyasi mavjud. Futbolchi sifatida “Irtish”, “Kazaxmis” va “Astana”da faoliyat olib borgan. Murabbiy sifatida “Irtish” hamda “Aksu” klublarida ishlaganini aytish joiz. E’tiborli jihati shundaki, u ayni paytda Qozog‘iston milliy terma jamoasi bosh murabbiyi Talgat Baysufinovning jiyani hisoblanadi.