Қозоғистонлик дарвозабон Европанинг гранд клубларига йўл олиши мумкин

Қозоғистоннинг "Қайрат" клуби дарвозабони Темирлан Анарбеков Европа клубларидан қизиқиш борлигини тасдиқлади. Бу ҳақда унинг ўзи "Седмому каналу" га берган интервьюсида маълум қилди.

"Клуб директорлари гаплашяпти. Ҳозирча аниқ расмий таклиф келгани йўқ. Болағалигимдан орзуим — Англия Премьер-лигасида ўйнаш. Қайси клуб эканлиги муҳим эмас", — деди Анарбеков.

Испаниянинг Marca нашри Темирланнинг Чемпионлар Лигасидаги ўйинини юқори баҳолади. Мақолада турнирнинг энг яхши дарвозабони "Қайрат"да ўйнаётгани таъкидланган.

Маълумот учун, 22 ёшли футболчи мусобақада 4 та ўйинда майдонга тушиб, ўз дарвозасидан 6 та гол ўтказиб юборган.