Рабьонинг онаси АПЛнинг 2 та клуби билан музокаралар ўтказмоқда
Уни Англияда кутишмоқда.
“Ювентус” клуби ярим ҳимоячиси Адриен Рабьо фаолиятини Англия премьер-лигасида давом эттириши мумкин.
Италиялик журналист Николо Скира тарқатган хабарга қараганда, 25 ёшли француз футболчисига МЮ, “Эвертон” ва “Ньюкасл” жамоалари қизиқиш билдирмоқда. “Ирисчилар” ва “қарғалар” аллақачон футболчининг онаси ва бир вақтнинг ўзида агенти ҳам ҳисобланган Вероника Рабьо билан музокараларни бошлаб юборган.
Рабьо “Ювентус” сафига 2019 йилнинг ёзида ПСЖдан эркин агент сифатида кўчиб ўтган эди. У жорий мавсум А Серияда 17 та ўйинда майдонга тушди.
Матнда хатолик топсангиз, ўша хатони белгилаб, бизга жўнатинг (Ctrl + Enter)
Фикрлар