Рафинья: “Биз янада кучлироқ бўлиб қайтамиз”

"Барселона" Чемпионлар лигаси ярим финалида "Интер"га қарши мағлуб бўлиб, турнирни тарк этгандан сўнг жамоанинг етакчи футболчиларидан бири ҳисобланган Рафиня ўйин ҳақида ўз фикрлари билан ўртоқлашиб, мухлисларга мурожаат қилди.

– Биз янада кучлироқ бўлиб қайтамиз. Барчага қўллаб-қувватлов учун раҳмат, биз ҳали ҳам биргамиз. Мавсум ҳали тугагани йўқ.

Ҳар куни бу рангларни янада катта фахр билан кийяпман, бу жамоам билан фахрланаман. “Барса”га шон-шараф, – деб ёзди Рафинья ижтимоий тармоқда.

Ҳозирда “Барселона” Ла Лиганинг пешқадами саналади. Жамоа “Реал”дан 4 очко олдинда ва финишгача 4 тур қолган.