Рафинья "Жирона"га қарши ўйнаши мумкин

"Барселона" вингери Рафинья яқин душанба куни майдонга тушиши мумкин.

"As" хабарига кўра, футболчи жамоа билан машғулот ўтказган, бироқ чекланган форматда ишлаган. Унинг 16 февраль куни "Жирона"га қарши учрашувда иштирок этиши эртанги машғулот қандай ўтишига боғлиқ бўлади.

Шу билан бирга, дербида Маркус Рэшфорднинг қатнашиши деярли истисно қилинмоқда. Англиялик футболчининг тиззаси билан боғлиқ муаммолари бор ва агар вазият кескин ўзгармаса, у душанба куни майдонга туша олмайди.