Рафинья "Олтин тўп" учун курашдаги ўзининг ва Ямалнинг имкониятлари ҳақида гапирди

"Барселона" футболчиси ҳисобланган Рафинья "Олтин тўп"ни қўлга киритиши мумкинлиги ҳақида ўз фикрини билдирди. 
 
Шундай муваффақиятли мавсумдан сўнг "Олтин тўп" "Барселона" футболчисига берилиши керакми? 
 
"Менимча, ҳамма нарса адолатли бўлиши керак, холос. 
 
Менинг фикрим ҳам аҳамиятга эга бўлиши мумкин. Бу мураккаб масала. Назаримда, бу бироз чалкаш мукофот. Мен учун ўз уйимда, оилам, фарзандларим ва мен учун қадрли бўлган инсонлар назарида дунёнинг энг яхшиси бўлиш муҳимроқ". 

 
Ламин Ямал ҳам ғолибликка даъвогарлик қилмоқда. Бунга қандай фикрдасиз? 
 
"У ажойиб футболчи. У ҳали узоқ йиллар давомида дунёнинг энг яхши футболчиси бўлиб қолади, аммо бу ўзига боғлиқ. Кўп меҳнат қилишига тўғри келади. Унда истеъдод бор", - дея таъриф бериб ўтди "кўк-анорранглилар" ҳужумчиси.