Рафинья Олтин-тўп ва "The Best" совринининг топширилишидаги ноҳақликлар ҳақида гапирди

Бразилия терма жамоаси ва "Барселона" вингери Рафинья Олтин-тўп совринида 5-ўринни эгаллагани ва "The Best" совринида учликка киритилмаганига тўхталиб ўтди.

Рафинья ўтган мавсумни идеал спорт формасида ўтказган бўлса-да, жиддий индивидуал совринни қўлга киритмади.Олтин-тўп рейтингида 5-ўринда қолиб кетди. ФИФАнинг "The Best" мукофотига келсак, бразилиялик футболчи кучли учликдан ҳам жой олмади. Ҳаттоки йил рамзий жамоасига ҳам киритилмади. Футболчи шу вақтларни эслаб қўйидагича интервью берди;

"Меҳнатга яраша эътироф этилиш бу ўзгача туйғу. Бу жуда ёқимли. Мен учун биринчи ўринда жамоавий соврин туради, бу клубга айнан шу совринлар учун келганман. Аммо мен учун индивидуал соврин ҳеч қандай аҳамиятга эга эмас, десам ёлғон гапирган бўламан. Қандай зўр мавсумни ўтказганимни жуда яхши биламан. Шу аниқ айта оламанки, жуда ҳам адолатсизлик бўлди. Аниқ биламанки, қайсидир катта соврин айнан менга тегишли эди", - деди Рафинья.

Маълумот учун, бразилиялик вингер ўтган мавсумда Ла лиганинг энг яхши футболчиси деб топилганди. Бундан ташқари, Европа Чемпионлар лигасининг энг яхши тўпурари ва ассистенти бўлган эди.