Ража Наингголан янги мавсумни Турин клубида бошлаши мумкин

Миланнинг “Интер” клуби ярим ҳимоячиси Ража Наингголан жорий ёзги трансферлар даврида жамоасини ўзгартириши мумкин.

ANSA нашри тарқатган хабарга кўра 31 ёшли бельгиялик футболчига “Торино” харидор бўлмоқда. Гап шундаки Наингголан туринликлар бош мураббийи Вальтер Мадзаррининг ўйин услубига мос келиши айтилмоқда.

Ўз навбатида “Интер” Наингголанни ижарага бериб юборишга тайёр. “Нерадзуррилар” хатто унинг ярим маошини ҳам тўлаб беришга тайёр.

Маълумот учун, Ража Наингголан ўтган мавсум А Серияда жами 29та ўйинда майдонга тушди ва 6та гол ҳамда 3та голли узатма ёздириб қўйишга эришди.