Ракитич "Барселона"га гол урса нишонлайдими?

"Севилья" ярим ҳимоячиси Иван Ракитич "Барселона"га қарши бўладиган ўйинда собиқ жамоаси дарвозасига гол урган тақдирда уни нишонламаслигини айтди.

“Голни нишонламайман. Менда “Барселона” билан боғлиқ ёрқин хотиралар бор. У ерда қизим туғилди, у шаҳарда жуда кўп дўстларим бор ва маҳаллий мухлислар мени яхши кўради. Мен ҳатто "Барселона" мухлисларига нисбатан қилган муносабатим учун мукофотландим”, - деди хорватиялик футболчи.

Эслатиб ўтамиз, Ракитич 2014 йилдан 2020 йилга қадар “Барселона” сафида тўп сурган.