Ракитич "Барселона"ни тарк этиши аниқ бўлди

31 ёшли футболчи бу борада "Атлетико" клуби билан келишувга эришди. Marca нашри тарқатган хабарга кўра, Ракитич 20 февраль куни ўз агенти билан учрашган.

Хорватиялик хавбекнинг ўзи Ла Лигада қолмоқчи ва унинг оиласи Мадрид яқинидаги Боадилья-дель-Монте шаҳарчасидан уй сотиб олишни режалаштирмоқда.

Маълумот учун, Ракитичнинг каталонияликлар билан амалдаги шартномаси 2021 йилнинг ёзида ниҳоясига етади. У жорий йилги мавсумда Испания чемпионати доирасида 20 та баҳсда майдонга тушди ва 3 та голли узатмани амалга оширди.