Ракитич ёки Видаль? Улардан бири "Барселона"ни тарк этади

“Барселона” ярим ҳимоячилари Иван Ракитич ва Артуро Видалдан бири янги мавсумда асосий таркибга кира олмаслиги мумкин.

Marca нашри тарқатган хабарга кўра жамоага Френки де Йонг келиб қўшилгач, майдон марказида ўйнашга даъвогарлар сони 9 тага етган. Бош мураббий Эрнесто Вальвердега Ракитич ва Видалнинг ўйин услуби ёқади. Бироқ, у ПСЖдан Неймарни сотиб олиш учун ушбу икки хавбекдан бири трансферга қўйилишини сезиб турибди.

Маълумотларга қараганда чилилик футболчига “Интер” қизиқмоқда. Ракитич эса “Камп Ноу”дан кетмоқчи эмас. Хорватиялик футболчи “Барса”да қолиб, янги мавсумда асосий таркибга кира олишига ишонмоқда.